டாடா நிறுவனத்தின் ஒரு லட்சம் ரூபாய் கார், அடுத்தாண்டு விற்பனைக்கு வருகிறது; அதே விலையில், கார் தயாரித்து விற்க பல கார் தயாரிப்பு நிறுவனங்களும் களத்தில் இறங்க முடிவு செய்துள்ளன. நிசான் ரெனால்ட் நிறுவனம், அடுத்தாண்டு இறுதியில், இந்தியாவில், ரூ. 1.25 லட்சம் விலையில் கார் தயாரித்து விற்க திட்டமிட்டுள்ளது.இந்தியாவில், "மகிந்திரா மகிந்திரா' நிறுவனத்துடன் சேர்ந்து, நிசான் ரெனாவட் , சிறிய கார்கள் தயாரிப்பை துவங்க உள்ளது. இதுபோல, மாருதி கார் நிறுவனமும், ஒரு லட்சம் ரூபாய் விலையில் கார் விற்பனை செய்ய தீவிரமாக உள்ளது.டாடா நிறுவனம், ஒரு லட்சம் ரூபாய் விலையில் கார் தயாரிக்கிறது என்றதும், மற்ற நிறுவனங்கள் அதிர்ச்சி அடைந்தன. தயாரிப்பு செலவே அதிகமாகும் போது, இது சாத்தியமில்லை என்று கூறின. ஆனால், இப்போது, பல கார் தயாரிப்பு நிறுவனங்களும், அதே விலையில் கார் தயாரிக்க களம் இறங்கியுள்ளன.
