மும்பையில் உள்ள சகாரா முதல் தர ஆடம்பர ஓட்டலில், ஒரு இரவு தங்குவதற்கு, அறை வாடகை ரூ.4 லட்சம் வசூலிக்கப்படுகிறது.
மும்பை, சான்டா குரூஸ் விமான நிலையத்தில் இருந்து, 100 மீட்டர் தொலைவில், பிரபல சகாரா ஓட்டல் துவக்கப்பட்டுள்ளது. இந்த ஓட்டலில், 12 ஆயிரம் ச.அடியில் "பிரசிடென்ஷியல் சூட்' பரந்து விரிந்து அமைந்துள்ளது.
இதற்கு தனி நுழைவாயில், தனி லிப்ட், கண்ணாடியால் ஆன மேற்கூரை, சிறப்பு நீராவி குளியல், மசாஜ் போன்ற வசதிகள் செய்யப் பட்டுள்ளன. இங்குள்ள அறையில் ஒரு இரவு தங்க வேண்டும் என்றால், வாடகை ரூ. நான்கு லட்சம். இது, "ஷேக்'குகளுக்காக அல்லாமல், பிரபல வர்த்தக பிரமுகர்கள் தங்குவதற்கு கட்டப்பட்டுள்ளது.
உலகம் முழுவதிலும் உள்ள மற்ற "பிரசிடென்சியல் சூட்' அறை வாடகை, ரூ. ஆறு லட்சம் முதல் 10.18 லட்சம் வரை. அதனால், இங்கு ரூ.நான்கு லட்சம் வாடகை வசூலிப்பது அதிகம் அல்ல' என்றார்.டில்லியில் உள்ள தாஜ் மகால் ரிசார்ட்ஸ் அண்டு பேலஸ் ஓட்டலில், ஒரு இரவுக்கு ரூ. இரண்டு லட்சமும், ஐ.டி.சி., கிராண்ட் சென்ட்ரல் ஷெரட்டன் ஓட்டலில் ஒரு இரவுக்கு ரூ. ஒரு லட்சமும் வாடகை வசூலிப்பது குறிப்பிடத்தக்கது.
